Invincible Rope 2
Wen Atutupoyoyo and blonblon na ya normal package, all ya prayer na make Oluwa bless u with one Agbani so ya mind go rest. Soji na man wen first start him abroad package with Atutupoyoyo and blonblon. Finally, Agbani enter for Soji, initial ginger full my guy body, but as usual greed come dey enter. The barney wen come dey reason him package now na stew barney wen him try run earlier, but Bariga been dey smell deeply for him body.
As Katharina don dey package Soji, oda barneys don dey reason him level. Soji don dey chat dis babe on a low key. And my guy dey reason revenge as d barney dull him package before. The Barney don dey send Soji some kain ginger text, idiot boy don dey dull Katharina small small. Dem suppose go see her parents for weekend, but my guy don dey reason anoda tin. D babe and my guy don decide to set date for same weekend wen him and Katharina suppose go see her parents. For d whole planning, Soji forget d main koko for d plan. My guy don first stage format how him go take boycott Katharina parents visit to do him parole, but forget to ask venue for him parole with d babe. Soji mind na say na away game. A day before d babe tell Soji say dem go first go for LUNCH. My guy don dey here tey tey to know say dat one mean say hold ya money. And d worse part be say na lunch levels. If oyinbo tell u say make una go for coffee or tea, u go know say make u hold small change, so u fit rough am, but once dem tap u lets go for LUNCH. Paddy man, na major coins b dat oo, una go chop correct, plus drink and dessert, at all at all na like 20 euros go burn for lunch. Soji wen dey on Katharina welfare package, as him hear lunch, my man pin code reset, e nor get dat kain coins just to go chop. My guy try reschedule d parole to away game, d barney dey claim "lets know each oda better first" and Soji no get dat kain money to waste. Wen kori dey blow u and ya babe na him dey support you financially, u go re-arrange ya plans. Soji sharply throw format say him get parole and he go need cancel d waka. Sharp Niaja boy, he sharply tell him babe say he don cancel him school work and now him go fit follow her go see her parents.
For d abroad, once u and barney don dey official, d next pattern na make una meet each oda family. But as Soji family dey Naija, na Katharina family dem go see. And dis time around, dem go spend d whole weekend with her family. Katharina na only pikin and her take style hold side, so my guy don dey reason how him go take manage dis meeting. One black man with plenty white people wen nor go gree speak English with am. Na so weekend show, Soji and Katharina don go her family house. My guy just dey tench, as e no sabi wetin to expect.
Dem don set chow for table, standard German food, my guy no see any food wen get pepper. He sha rough am, chop am like dat. Na so every five minutes Katharina go wan kiss my guy. Shuuuuu, my guy dey look say u nor see ya papa and mama for table. She laugh am, say na normal thing, even though my guy don watch am plenty for film, but liver still dey fail am to kiss d babe for her papa front. Na so Katharina tell him papa and mama make dem kiss so dat Soji go know say no wam. Na so dem sef chop mouth, come tell Soji say nothing dey happen, chop our pikin lips. Hian morale still no gree my guy oo. As dem chop finish begin play game and gist generally, na so d papa comne dey tease him pikin, katharina no come dey find d teasing funny again, na so she tell d papa "HALT DIE FRESSE". Oboy, dat na shut up ya mouth for English. Soji eye shine, d papa and mama just laugh, na so my guy tap him babe say dat one no follow oo, d geh dey justify why she talk am. Hian, Soji beg am say make she nor try dis one if him own family come oo, cos na cross over slap go follow her.
Dinner don end, and weather cold well well, dem Katharina house get Sauna inside. Na so d papa and mama go chill inside Sauna to warm up. Wen dem finish, dem tell Soji and Katharina make dem sef enter Sauna go chill. Shuuuuu, dis man want make me and pikin enter sauna, naked something ooooo. My guy dey fear weda dis no be set up. Which kain oyinbo style be dis, Soji apply C caution, enter d Sauna and e see say no be set up. Las las time don reach to crash, dem don arrange room wen dem go sleep. My guy still dey fear if dis na set up, how girlfriend papa go arrange room make u go position him daughter.
My people leave am, we different from dis people scatter, even though u don dey d abroad tey, cultural shock go still knack u for some kain package.
For my videos and anybody wen wan DM me, my IG handle na: @samedein or @seeking_greener_pastures.
Tags: Nigerian in Germany; pidgin; Naija living in Germany; pidgin blog; schooling in Germany; German waka
As Katharina don dey package Soji, oda barneys don dey reason him level. Soji don dey chat dis babe on a low key. And my guy dey reason revenge as d barney dull him package before. The Barney don dey send Soji some kain ginger text, idiot boy don dey dull Katharina small small. Dem suppose go see her parents for weekend, but my guy don dey reason anoda tin. D babe and my guy don decide to set date for same weekend wen him and Katharina suppose go see her parents. For d whole planning, Soji forget d main koko for d plan. My guy don first stage format how him go take boycott Katharina parents visit to do him parole, but forget to ask venue for him parole with d babe. Soji mind na say na away game. A day before d babe tell Soji say dem go first go for LUNCH. My guy don dey here tey tey to know say dat one mean say hold ya money. And d worse part be say na lunch levels. If oyinbo tell u say make una go for coffee or tea, u go know say make u hold small change, so u fit rough am, but once dem tap u lets go for LUNCH. Paddy man, na major coins b dat oo, una go chop correct, plus drink and dessert, at all at all na like 20 euros go burn for lunch. Soji wen dey on Katharina welfare package, as him hear lunch, my man pin code reset, e nor get dat kain coins just to go chop. My guy try reschedule d parole to away game, d barney dey claim "lets know each oda better first" and Soji no get dat kain money to waste. Wen kori dey blow u and ya babe na him dey support you financially, u go re-arrange ya plans. Soji sharply throw format say him get parole and he go need cancel d waka. Sharp Niaja boy, he sharply tell him babe say he don cancel him school work and now him go fit follow her go see her parents.
For d abroad, once u and barney don dey official, d next pattern na make una meet each oda family. But as Soji family dey Naija, na Katharina family dem go see. And dis time around, dem go spend d whole weekend with her family. Katharina na only pikin and her take style hold side, so my guy don dey reason how him go take manage dis meeting. One black man with plenty white people wen nor go gree speak English with am. Na so weekend show, Soji and Katharina don go her family house. My guy just dey tench, as e no sabi wetin to expect.
Dinner don end, and weather cold well well, dem Katharina house get Sauna inside. Na so d papa and mama go chill inside Sauna to warm up. Wen dem finish, dem tell Soji and Katharina make dem sef enter Sauna go chill. Shuuuuu, dis man want make me and pikin enter sauna, naked something ooooo. My guy dey fear weda dis no be set up. Which kain oyinbo style be dis, Soji apply C caution, enter d Sauna and e see say no be set up. Las las time don reach to crash, dem don arrange room wen dem go sleep. My guy still dey fear if dis na set up, how girlfriend papa go arrange room make u go position him daughter.
My people leave am, we different from dis people scatter, even though u don dey d abroad tey, cultural shock go still knack u for some kain package.
For my videos and anybody wen wan DM me, my IG handle na: @samedein or @seeking_greener_pastures.
Tags: Nigerian in Germany; pidgin; Naija living in Germany; pidgin blog; schooling in Germany; German waka
Comments
Good to have you back here.
This tori dey burst my medulla.
Carry go!