Invisible Rope 1
Soji the veteran German waka man wen knack me pass onto how Germo levels dey go don dey dis zones dey clock 8 years. Story don change, levels don over update. Him German waka don over stew. Freshness don become him middle name. But all man follow different road wen lead to the final bus stop.
My paddy man start him waka for September 2013. Him come run MBA for Germo, and MBA for here mean say u go still pay school fees, depending on d school d bar dey enter like 5000 euros sha. Soji family don borrow money, sell family property to block account (8000 euros) to push my guy come d abroad for school. But the guy no no say school fees sef dey for MBA. So my guy hustle gas dey tripple, first to return gbese money for Lagos and to hustle school fees for Germo. To make matters worse, Soji go pick school wen dey inside village. Imagine person wen dey school for one deep village for Ijebu, d yoruba go be senior man levels. Na so d German for d village sef be. 8 years ago for Germo, d amount of Black students nor plenty at all for Germany main cities, talk less of small village.
To find hustle for here hard scatter, Soji go dey waka for road, people go dey look am like say im miss road. Black man for here dey like sun for winter. My guy come broke pieces, e nor even get money to buy winter boot, him still dey knack Mokasin wen he dey take form big boy for Unilag dat year. Cold don nearly finish dis black man for Germo. Even inside class, all d people wen dey do MBA fresh like sea food, all of dem don get experience for International company, Soji highest experience na WEMA bank NYSC. My guy begin reason who send am message to come here. Months don pass, no hustle, no house, family dey try call am to send money to pay gbese, my guy stop to pick people calls cos nothing don even balance.
My guy begin enter restaurant dey find any kind hustle, as nobody dey speak english, Soji need update small German for hustle. Luckily baba jam person wen sabi english and dey willing to give am plate washing job. Na so my guy Germo hustle begin, plate washing from 4pm-12am, school from 8am-2pm. Hustle non-stop. Things rough up to d extent wen one oyinbo wen don observe say my guy don dey knack dis Mokasin inside winter, arrange am one winter boot to take hold side.
Fast forward two years inside d Germo struggle, Soji don link up with one or two naija veterans wen chop refugee status for Germo. Dem begin coordinate my guy one levels. My guy don dey fresh up small small, d naija smell don comot for him body. My guy begin swipe dating app, start to enter club to try sign player. Dating app dat time just fresh, so market no really dey sell for dere. Na club be d main koko to take sign player. After plenty club spending and no market, my guy decide show from hip hop club to Salsa Club. Oboy na dere d miracle enter, Soji jam stew, over sweet, jedi jedi babe. D kain geh wen na for film we dey see am. Pikin too sweet, dis kain dey give diabetis. D barney name na Katharina, dis na typical Germo name. Dis geh just buy my guy style scatter. Overnight, things just begin stew for my guy. The Barney dey help my guy with plenty things, from accommodation to school fees levels, clothes, even dey send some coins go give Soji family for Lagos.
Wen things come dey over stew for Soji side, na im him village people decide to remember am. Since wen my guy dey struggle temptation no come, na as my guy don dey see d promise land na him one barney from d area reason say my guy na fresh fish. Soji don cross carpet dis barney before before, but d barney reason my guy less less. Now wen baba don dey upgrade she begin reason am as senior man. D barney begin position illegal movements to my man. Greed na him dey always kee man, idiot boy don begin dey confuse carelessly. Next week, we go continue d update on d waka.
For my videos and anybody wen wan DM me, my IG handle na: @samedein or @seeking_greener_pastures.
Tags: Nigerian in Germany; pidgin; Naija living in Germany; pidgin blog; schooling in Germany; German waka
My paddy man start him waka for September 2013. Him come run MBA for Germo, and MBA for here mean say u go still pay school fees, depending on d school d bar dey enter like 5000 euros sha. Soji family don borrow money, sell family property to block account (8000 euros) to push my guy come d abroad for school. But the guy no no say school fees sef dey for MBA. So my guy hustle gas dey tripple, first to return gbese money for Lagos and to hustle school fees for Germo. To make matters worse, Soji go pick school wen dey inside village. Imagine person wen dey school for one deep village for Ijebu, d yoruba go be senior man levels. Na so d German for d village sef be. 8 years ago for Germo, d amount of Black students nor plenty at all for Germany main cities, talk less of small village.
To find hustle for here hard scatter, Soji go dey waka for road, people go dey look am like say im miss road. Black man for here dey like sun for winter. My guy come broke pieces, e nor even get money to buy winter boot, him still dey knack Mokasin wen he dey take form big boy for Unilag dat year. Cold don nearly finish dis black man for Germo. Even inside class, all d people wen dey do MBA fresh like sea food, all of dem don get experience for International company, Soji highest experience na WEMA bank NYSC. My guy begin reason who send am message to come here. Months don pass, no hustle, no house, family dey try call am to send money to pay gbese, my guy stop to pick people calls cos nothing don even balance.
My guy begin enter restaurant dey find any kind hustle, as nobody dey speak english, Soji need update small German for hustle. Luckily baba jam person wen sabi english and dey willing to give am plate washing job. Na so my guy Germo hustle begin, plate washing from 4pm-12am, school from 8am-2pm. Hustle non-stop. Things rough up to d extent wen one oyinbo wen don observe say my guy don dey knack dis Mokasin inside winter, arrange am one winter boot to take hold side.
Fast forward two years inside d Germo struggle, Soji don link up with one or two naija veterans wen chop refugee status for Germo. Dem begin coordinate my guy one levels. My guy don dey fresh up small small, d naija smell don comot for him body. My guy begin swipe dating app, start to enter club to try sign player. Dating app dat time just fresh, so market no really dey sell for dere. Na club be d main koko to take sign player. After plenty club spending and no market, my guy decide show from hip hop club to Salsa Club. Oboy na dere d miracle enter, Soji jam stew, over sweet, jedi jedi babe. D kain geh wen na for film we dey see am. Pikin too sweet, dis kain dey give diabetis. D barney name na Katharina, dis na typical Germo name. Dis geh just buy my guy style scatter. Overnight, things just begin stew for my guy. The Barney dey help my guy with plenty things, from accommodation to school fees levels, clothes, even dey send some coins go give Soji family for Lagos.
Wen things come dey over stew for Soji side, na im him village people decide to remember am. Since wen my guy dey struggle temptation no come, na as my guy don dey see d promise land na him one barney from d area reason say my guy na fresh fish. Soji don cross carpet dis barney before before, but d barney reason my guy less less. Now wen baba don dey upgrade she begin reason am as senior man. D barney begin position illegal movements to my man. Greed na him dey always kee man, idiot boy don begin dey confuse carelessly. Next week, we go continue d update on d waka.
For my videos and anybody wen wan DM me, my IG handle na: @samedein or @seeking_greener_pastures.
Tags: Nigerian in Germany; pidgin; Naija living in Germany; pidgin blog; schooling in Germany; German waka
Comments